Opið hús í Sólheimakoti sunnudaginn 28. febrúar
Fyrirlestur vikunnar er ekki af verri endanum, en Pétur Alan Guðmundsson fuglahundadómari leiðbeinir hvernig aktívi leiðandinn leiðir hunda sína á heiðaprófum allt frá byrjun í unghundaflokki, í opnum flokki, og upp í keppnisflokk auk þess að útskýra hugtök, reglur, undirbúning ofl. Hann svarar einnig spurningum.
Húsið opnar klukkan 9.30, heitt kaffi á könnunni og með því. Fyrirlesturinn hefst kl 10.
Að fyrirlestri loknum verður skipt niður í litla hópa og haldið á heiðina. Að göngu lokinni eru allir velkomnir í kotið að nýju ef einhverjar spurningar eru varðandi hvað fór vel eða illa, eða fólk sé einfaldlega kaffiþyrst.
Við hlökkum til að sjá sem flesta og minnum á núgildandi sóttvarnarreglur.
Við tökum okkur svo frí 7. mars þar sem við sjáum vonandi sem flesta í fyrsta veiðiprófi ársins.