Eins og áður hefur verið kynnt fer sækipróf Fuglahundadeildar fram dagana 8. - 9. ágúst þar sem boðið verður upp á UF, OF og EL báða daga. Þátttakendum stendur til boða að taka þátt í hefðbundnu sækiprófi eða eftir reglum fyrir meginlandshunda, fyrir þá sem vilja kynna sér reglur fyrir meginlandshundapróf má nálgast þær hér. 

Prófstjórar prófsins eru Atli Ómarsson og Sigrún Hulda Jónsdóttir, dómari prófsins er Dag Teien. 

Dag Teien er norskur dómari búsettur í Svíþjóð og ræktar hann Vorsteh hunda undir ræktunarnafninu Teiens Kennel.

Dag er okkur flestum kunnur en hann dæmdi sækipróf Fuglahundadeildar árið 2017 ásamt því að dæma heiðapróf meginlandshunda sem fram fór haustið 2019. Þá hefur hann dæmt víða um evrópu og á norðurlöndunum. 

Skráning í prófið fer fram á skrifstofu HRFÍ þar sem hægt er skrá sig símleiðis í s.588 5255 og greiða með símgreiðslu, upplýsingar um opnunartíma má nálgast hér. 

Einnig er hægt að millifæra inn á reikning HRFÍ númer 515-26-707729 Kennitala: 680481-0249. 

Ef greitt er með millifærslu þarf að koma fram nafn hunds í skýringu á færslunni ásamt að senda afrit af greiðslu á hrfi@hrfi.is og fuglahundadeildfhd@gmail.com.

Nafn eiganda

Nafn hunds

Ættbókanúmer

Nafn leiðanda

Prófnúmer: 502001

Hvort skráð er í hefðbundið sækipróf eða meginlandshundapróf en fyrir þá sem vilja er hægt að skrá sig annan daginn í hefðbundið próf og hinn daginn í meginlandshundapróf. 

Veiðipróf einn dagur 6.400 kr.

Veiðipróf 2ja daga 9.600 kr.